ДАРЬГАНГА СУМЫН ЕРӨНХИЙ БОЛОВСРОЛЫН
СУРГУУЛИЙН ТАНИЛЦУУЛГА
Дарьганга сумын Ерөнхий боловсролын сургууль нь анх 1938 онд “Баян гол” гэдэг газар 1 багш, 2 ажилчин, 21 сурагчтай “Сайн дурын түр сургууль” нэртэйгээр байгуулагдсан. Бага сургууль нь сайн дурын тусламжаар цугласан адуу 6, үхэр 3, хонь 35, ямаа 9, бие төгрөг 656, гэр 1, бусад эд хөрөнгө 151 төгрөг, бүгд 2390 төгрөгийн хөрөнгөтэйгөөр үйл ажиллагаагаа эхэлж, монгол хэл бичиг, нэмэх хасах тоо бодлого, улс төр, биеийн тамир зэрэг хичээл заагдаж, анхны багш нь Жигмэдийн Шарав гэдэг хүн байсан.
83 жилийн баялаг түүхтэй Дарьганга сумын Ерөнхий боловсролын дунд сургууль нь одоогоор 4 удирдах ажилтан, 30 багш, 19 үйлчилгээний ажилтан, 532 суралцагчидтайгаар 2020-2021 оны хичээлийн жилийн сургалт, хүмүүжлийн ажлаа зохион байгуулж байна.
Сургуулийн зорилго, зорилт:
Сурагчдыг сурлагын хоцрогдолгүй сургахад анхааран, “багш-эцэг эх- сурагчид”-ын хамтын ажиллагааг өргөжүүлэн, эрүүл ахуйн зөв дадал хэвшилтэй иргэнийг төлөвшүүлнэ.
- Сургалтын хэвийн үйл ажиллагааг хангах чиглэлээр батлагдан гарсан хууль, эрх зүйн шийдвэрүүдийг хамт олноороо хэрэгжүүлж, үр дүнд хүрэх
- Сургалтыг хүүхдийн сурах үйл, оролцоог дэмжин тэгш хүртээмжтэй, чанартай зохион байгуулах
- Сурлагын хоцрогдолгүй сургахад эцэг эх, багш нарын хамтын ажиллагааг өргөжүүлэн ажиллах
- Сургалтын үйл ажиллагааг тасралтгүй үргэлжлүүлэх, гамшгаас хамгаалах бэлэн байдлын төлөвлөгөөг боловсруулан, үр дүнтэй хэрэгжүүлэх
- Багш, ажилтны мэдээлэл харилцаа, холбоо технологийн ур чадварыг сайжруулах сургалтуудыг үе шаттай зохион байгуулж, цахим хичээлийн сан үүсгэх
- Багш бүр ээлжит хичээлийн бэлтгэлийг чанартай хангаж, суралцах идэвхтэй үйлийг дэмжсэн бүтээлч арга зүйг эзэмших
- Ахлах ангийн сурагчдын хичээл сонголтод онцгойлон анхаарч, мэдээллээр хангах
- Сургуулийн үйл ажиллагаандаа өөрийн үнэлгээг хамтын оролцоотой хийж, хариу арга хэмжээг авах
- Багш, ажиллагсдын сурган хүмүүжүүлэх хурлыг хийж, дотоод журмаа хэлэлцэн баталж, мөрдөн ажиллах
- Бүх талын хамтын ажиллагааг өргөжүүлж, багш нараа чадавхжуулах